ग्रामपंचायत सर्वसाधारण अहवाल व माहिती

गावाचा परिचय

पारवा हे महाराष्ट्राच्या वाशिम जिल्ह्यातील मंगरुळपीर तहसीलमध्ये स्थित एक ग्रामपंचायत असलेले महत्त्वाचे व प्रगतशील गाव आहे. हे मंगरुळपीरपासून साधारण १२ ते १५ किमी आणि जिल्हा मुख्यालय वाशिमपासून सुमारे ५० किमी अंतरावर आहे. गावाचा पिनकोड ४४४४०३ असून २०११ च्या जनगणनेनुसार ग्रामकोड ५३०७५४ आहे.

पारवा गावाचे एकूण क्षेत्रफळ ६४६.२७ हेक्टर असून लोकसंख्या १,८७२ आहे, ज्यामध्ये ९५८ पुरुष व ९१४ महिला आहेत. गावाचे लिंग गुणोत्तर ९५४ महिला प्रति १००० पुरुष आहे, तर ०–६ वर्षे वयोगटातील मुलांची संख्या २२५ आहे. एकूण ४४३ कुटुंबे या गावात वास्तव्यास आहेत. साक्षरतेच्या बाबतीत पारवा गावाची एकूण साक्षरता ७८.८५% असून पुरुष साक्षरता ८१.४२% आणि महिला साक्षरता ७६.१५% आहे. सामाजिक रचनेत अनुसूचित जातींची संख्या ३२६ आणि अनुसूचित जमातींची संख्या ४०४ आहे.

गावात शैक्षणिक सुविधांमध्ये एक जिल्हा परिषद प्राथमिक शाळा, एक अंगणवाडी आणि प्र. गा. गावंडे माध्यमिक विद्यालय उपलब्ध आहे. आरोग्य सुविधांमध्ये एक पशुवैद्यकीय दवाखाना आणि एक खासगी दवाखाना कार्यरत आहे. धार्मिक व पर्यटन दृष्ट्या पारवा गाव विशेष महत्त्वाचे आहे कारण येथे आई भवानी जगदंबा माता मंदिर आहे, जे शासनमान्य 'B' वर्ग तीर्थक्षेत्र म्हणून घोषित आहे. वाहतूक सुविधांमध्ये सार्वजनिक बस सेवा, खाजगी बस सेवा आणि रेल्वे सेवा उपलब्ध आहे. पारवा ग्रामपंचायत क्षेत्रात पारवा, बोरव्हा (बु) आणि लखमापूर ही गावे समाविष्ट आहेत.